Vawiin September 28, 2020 khan Directorate of Women & Child Development, Social Welfare Department chuan Rahtriya POSHAN Maahpualin POSHAN Panchayat Meeting an nei. He meeting ah hian Aizawl Municipal Council huam chhunga Local Council Chairman COVID-19 SOP zawm chungin hlawm hnih a then in meeting hi neihpui a ni. He meeting ah hian Women & Child Development Director Pi Vanlalpianpuii’n Women & Child Development kalphungte sawifiahin, Mizorama kalpui a nihdan sawiin hun a hmang a. Poshan Panchayat hi Ministry of Women & Child Development in neitura a rawn tih avang leh thawh hona tha zawk neih a nih theih nan he hun hi hlawkthlak taka hmang ho turin a sawm a ni.

Pi Zoramthangi Chhangte Deputy Director (ICDS), Women & Child Development in Integrated Child Development Services (ICDS) te hi  an mahni mai a kalthei an nih loh avangin vengtinah Local Council hnuia Coordination Committee din tur a nih thu leh an pawimawhna te a sawi a. Coordination Committee te hi engkim a kan sul sutu pawimawh tak an nih avang leh ICDS hnuaia Anganwadi Centre khawtlang tana chhenfakawm leh hlawh tling kan neih theih nan chuan veng tin a Local Council te an pawimawhna bakah an mawhphurhnate a sawibawk. 

          Pi ZonunpariSailoNodal Officer, Poshan Abhiyan chuan POSHAN Maah (Nutrition Month) kan hman chhan leh hman tawh dante sawifiahna hun a nei a, tunkum POSHAN Maah chhung hian naupang chaklo leh than tha lo zualte zawn chhuah a enkawlna uluk zawk pe tur a beihpui thlak mek a nih thu a sawi a. Hengah te hian khawtlang hruaitute’n kan khawtlang a naupang chaklo zual kan hmuh chhuahna leh enkawln akanpekna kawngah kan mawhphurhna te sawi in thawhpui ah a sawm a ni. 

He hunah hian POSHAN Maah pualin Local Council tin te hi POSHAN Maah T-Shirt pek an nibawk.