Hei hi Inchhungkhura hmeichhiate chunga hleilenna laka venhimna dan a ni a. inchhungkhura hmeichhiate chunga hleilenna chi hrang hrang awmthei laka venhim an nih theih nan he dan hi duanchhuah a ni. India ramah hian hmeichhiate venhim kan nih theihna’n dan chi hrang hrang tam tak a awm a, hetianga dan tha tak tak a awm chung hian hmeichhe chunga hleilenna hian kiam lam aiin zual lam a pan zawk emaw tih mai tur a ni a. Inchhungkhurah hmeichhiate chunga hleilenna hi tam tak thleng thin mahse khawtlang leh chhungkua a mualpho hlauh avangte hian tam tak chuan an sawi chhuak lo fo bawk.
Domestic Violence awmzia chu ‘Kut inthlakna te, mipat hmeichhiatna lama hrehawmna insiamte, tawngkam leh rilru hliam zawka harsatna insiamte, sum leh pai lama harsatna inthlente’ hi a huam vek a ni.
He dan hnuaia zualkona thlen theitute:
- Hmeichhia tu pawh (aggrieved), inchhungkhura a khawsakpuite’n a chunga domestic violence an thlen chuan, chung mite laka chuan complaint a thehlut thei.(inchhungkhura khawsakpui tih hian Domestic relationship a awm angai)
- Mi tupawhin he dan hnuaia Protection Officer-te hnenah Domestic Violence midangte chungah a thleng ni a a hria emaw thleng thei ni awma a hriat chuan information a pe thei bawk.
Tu lakah nge Zualkona thlen theih:
Mipa tupawh (respondent) kum puitling (aggrieved) nena inlaichinna (Domestic relationship) nei emaw nei tawh thin, nupui pasala insiam avanga pasal chhungte nena chengho an nih chuan an lakah pawh zualkona thlen theih a ni. (nupui pasal inkar chauhvah lo pawh pasal chhungte lakah pawh complaint a thehluh theih).
Hma lak theih tlangpuite:
- Venhimna (Protection order)
- Chenna in pek (Residence order)
- Pawisa chawi
- Fa enkawltu (Custody order)
- Compensation
Sawitur tamtak karah he danin a phut angin Mizoram District tin ahte Protection officer an awm vek a, an ni bakah hian Service providers an awm vek bawk a ni.
