Hnathawhna hmuna hmeichhiate venhimna dan a ni a. “Mipat hmeichhiatna lam haw zawnga taksa inkhawih, in thlem leh insawm, tawngkam hman, thlalak dukdaklo inentir leh tawngka leh chetzia dang engpawh, mipat hmeichhiatna lam hawizang ni a ngaih theih rura chhiah emaw an chunga lantir” tih hian he dan hi a hrilhfiah awm e.

 

A chunga mite baka a hnuaia mite hi tih anih chuan sexual harassment tih ani tho bawk:

  1. Mipat hmeichhiat leh a khaihnawih beiseina avanga hnathawhnaa duhsak bikna (preferential treatment) lantir tuma inthiamna.
  2. Hnathawh ti nuamlo thei tur ang zawng che zia emaw, thil tih emaw tawngkamemaw hmang heichhia chu vau/ tihthaih a nihin.
  3. A hna chelh mek leh a hma lam hun ti derthawng thei tur ang zawnga invauthaihna a awmin.
  4. Kut thawh uai uai leh hnathawh tinuam lo rawih thei tur zawnga chtlakna a awmin.
  5. Hriselna leh himan ti derthawng thei tur zawnga cheksawlhna leh tihmualphona a awmin.

Hetianga hmeichhia hnathawkte’n an hnathawhna hmuna chhaihnawmnah leh mipat hmeichhiatna lam hawi zawnga hleilenna an tawhin complaint an thehluhna tur an hnatawhna hmun theuh ah Internal Complaint Committee din tur a ni a. Sawrkar department/ Sumdawnna hmun, Private emaw Public pawh ni se, mi 10 chin hnathawk an awmna apiangah ICC hi din tura tih a ni a. Chu hnathawhna hmunah chuan chu hmuna thawk hmeichhia a hna chelh lai sang ber chu chairman tura tih ani thin tur a ni bawk. District tinah Local Complaints Committee awm tura tih ani bawk a ni. Heng Committee te hian thuneihna sang tak a kengtel nghe nghe a ni.