Mizoram State Commission for Protection of Child Rights
Profile
Mizoram State Commission for Protection of Child Rights (MSCPCR) hi Parliament dan siam, The Commission for Protection of Child Rights Act, 2005 hnuaia din a ni a. Parliament dan siam hnuaiah hian Mizoram Sorkar chuan a taka kalpui thei turin “The Mizoram State Commission for Protection of Child Rights Rules, 2017” a siam a, hemi hmang hian MSCPCR chu February, 2018 thla khan din a ni.
MSCPCR thurin leh a innghahna bulpui ber chu – “PROTECTION OF CHILD RIGHTS & “BEST INTEREST OF THE CHILD” a ni.
Administrative Structure
Chairperson: Jimmy Laltlanmawia
Members: 1) R. Laltanpuia
2) Darthakunga
3) Vanhmingliani
Secretary: Lalremruati
Functions
MSCPCR hnapui ber chu naupangte dikna leh chanvo (Child Rights) humhalh leh venhim a ni. Naupang laka pawikhawihtute chungthu rang taka relfel a nih theihna tur te, naupangte dikna leh chanvo humhalhna dan dinglai te tha tak leh awmze neia kenkawh a nih theihna tura a tul anga vil zui leh a tul apianga sorkar hnena thurawn pekte a ni. Ram danpui – Constitution leh UN Convention on the Rights of the Child in a tarlan anga Sorkarin dan a siam leh Policy leh Programme a duante bakah Sorkar inrelbawlna kalphung hrim hrimte naupangte dikna leh chanvo humhalhna lam hawi a nih theihna tura vil zui te a ni.
Dan dinglai te zirchiangin, Convention on the Rights of the Child mil turin a tul angin thil a chhui chiang ang a, dan dinglai leh duan mekah te naupangte dikna leh chanvo humhalh anih theihna turin a tul angina Sorkarah rawtna a thlen thin ang. Naupangte emaw, a kaihnawih tute emaw, an aiawhte emaw, mipui nawlpuiin emaw Media lamah emaw naupangte dikna leh chanvo humhalh a tulna lam tarlan a nihin a tul angina a chhui chiang ang.
Zirna-In ah te naupangte dikna leh chanvo humhalh a nih theihna turin hma a la a ni.
Naupangte dikna leh chanvo tih bawrhban sakna kaihhnawihah sawiselna (complaint) lut te naupangte tana tha ber tur ngaihtuahin a chingfel thin a ni.
The Commission for Protection of Child Rights Act 2005, Section 14 (1) in a tarlan angina Commission hian naupangte dikna leh chanvo laksakna thila zawhna chhanna (inquiry) a lak chuan, Code of Civil Procedure 1908 hnuaia Civil Court thuneihna ang pek a ni a, chumi ang chuan mi tu pawh commission hmaa inlan tura koh theihna te, finfiahna (evidence) lakkhawm, etc. te ti thei tura thuneihna pek a ni. Commission hian a kuta lut thubuai engpawh Magistrate hnenah a hlanchhawng thei bawk a ni.
Official Website
Mizoram State Commission for Protection of Child Rights (MSCPCR)
