Poshan Abhiyaan hi March ni 8, 2018 khan Prime Minister Narendra Modi in a hawng (launch) a, Mizoramah pawh hemi ni vek hian hman tan ve nghal a ni. He mission-in a tum ber chu naupangte ah thanthu (Stunting) te, taksa rihna leh san zawng khaikhin a zang lutuk (Wasting), taksa rihna, kum nen a khai khin a zang lutuk (Underweight), nausen pianghlim buk zang lutuk (Low Birth Weight) te India ram pum a tihhniam a ni. He mi bakah hian naupai laite, naupawm laite leh tleirawl ten chaw tha an hmuhloh avang a thisen tlakchhamna (Anaemia) tihhniam .
He mission hian naupang kum 6 hnuailam te bakah naupai, naupawm te leh tleirawlte a huam vek a ni.
Hlawhtlinnate:
Poshan Abhiyaan, Mizoram hnuaia kum 2019-2020 chhunga hlawhtlinnate:
National Awards:
POSHAN Abhiyaan Awards:
Overall Excellence in Implementation– Pakhatna (₹1.50 Crore leh Citation a dawng)
ICDS-CAS Implementation – Pakhatna (₹1.00 Crore leh Citation a dawng)
Hei bakah hian Field Level Leadership Awards ah Champhai District in “Best District Award” an dawng a, Thingdawl ICDS Project in “Best Block Award” an dawng bawk. Champhai ICDS Project hnuaia Vengthlang Anganwadi Centre – 3 leh Thingdawl ICDS Project hnuai a Bualpui Anganwadi Centre – 3 ten Best Anganwadi Worker, Anganwadi Helper, ASHA, ANM & LS (AAAA & LS) Award la in, incentive pawisa fai ₹2.5 Lakhs ve ve an dawng bawk.
Composite Performance Ranking of States & UTs under POSHAN Abhiyaan
Poshan Abhiyaan hnuai a, India ram chhung a State leh Union Territory zawng zawng inelna Composite Performance Ranking (November, 2019) -ah Pakhatna a ni.
Hmalaknate:
Innovation
POSHAN Abhiyaan hnuaiah hian State Innovation Plan hi siam niin, State level Committee ah 20th June, 2019 ah pawm a ni. Hemi hnuaiah hian Innovation chi 5 buatsaih a ni a, chungte chu:
IYCF Practices (Infant & Young Child Feeding Practices)
IYCF Practices Innovation hi nau hnute pek (Exclusive Breastfeeding) chungchang leh naute chaw tha pek (Complementary Feeding) pawimawhna lama zirtirna beihpui thlakna a ni a, TV Programs leh Advertisements te, Hoarding te, Newspapers te, Radio Spot te hman tangkai an ni.
Operation SAM (Severe Acute Malnutrition)
Operation SAM Innovation hi kan ram chhunga naupang rihna leh san zawng khaikhina zang lutuk (Wasting) chhawmdawl na atana hmalakna a ni. Operation SAM Guidelines hi SPMU, POSHAN Abhiyaan, Mizoram in a peih fel tawh a, hmalak tran mek a ni.
Bye-Bye Anaemia
Bye- Bye Anaemia Innovation hi kan ram a hmeichhiate, naupangte leh tleirawlte thisen tlakchhamna (Anaemia) tih tlem nana hmalakna a ni. Hemi atan hian Haemoglobin enna ‘Anaemia Kit’ kan mawmawh tur zat lei tawh a ni a, sem theih tura ruahman mek a ni.
Nutri-Garden
Anganwadi Centre a naupang-ten an mahni ina ei leh in mai bakah chaw tha dang chi hrang hrang an taksa mamawh tur kim taka an hmu theih nan Nutri Garden hi siam a ni. Nutri Garden Guidelines hi SPMU, POSHAN Abhiyaan, Mizoram in a siam a, Wadi Center tinah Nutri Garden hi siam a ni a, hemi atang atan a sum mamawhte hi ICDS Projects zawng zawng ah pek tawh a ni.
Nutri Plate Chart
Nutri Plate Chat Innovation atan hian kan ram chhung ngeia kan thar chhuah theih thlai leh thei chi hrang hrangte, sa chi hrang hrangte leh ei leh in dang thate Aganwadi Center tina tar tura a lem (Chart) siam a ni a, hei hi Wadi worker-ten naupang nu leh pate hnena an zirtir theih tura duan a ni.
Incremental Learning Approach (ILA)
ILA hi POSHAN Abhiyaan hmalakna laimu ber te zinga mi a ni a. Hemi ah hian AWWs ten beneficiary – nu te hnena a tahtawl tetea inzirtirna (Behavioral Change Communication) atana duan a ni. ILA hi Modules 21 a then hran a ni a, Mizoram State hian heng modules zawng zawng te hi, State Level (SRG), District Level (DRG), Block Level (BRG) leh Sectoral Level ah inzirtirna a kal pui zo tawh a, India ram State hrang hrang zingah pawh a zo hmasa ber pawl a ni nghe nghe.
Procurement
POSHAN Abhiyaan ah hian AWWs ten Register 11 hmanga kutziaka an hna an lo chhinchhiah thin chu, Smart phone hmangin ICDS-CAS app ah awlsam tak leh, lang tlang taka chhinchhiah theih turin hmalak a ni a. Chumi atan chuan smart phone 2244 AWWs tin te hnenah pek tawh a ni nghe nghe. Hemi atana smart phone mamawh zawng zawng 100% lei a, semchhuah a ni a, he smart phone atana mamawh SIM card zawng zawng pawh sem tel a ni. Tin, Lady Supervisor/Circle Officer ten tha taka Sector level te an vil theih nan smart phone hi lei belh a, sem an ni bawk. Mizoram State hi hemi atana 100% procurement ti hmasa ber te zinga mi a ni nghe nghe.
Tin, ICDS-CAS training hi Mizoram State ah 100% a rollout fel a ni tawh bawk a ni.
IEC Advocacy & Jan Andolan
Information Education & Communication leh Jan Andolan (Peoples Movement) hi POSHAN Abhiyaan hmalakna zau zawk, thuk zawk leh uar taka inzirtirna (Behavioral Change Communication) hmanrua (strategy) tha leh pawimawh tak an ni a. Hemi huam chhungah hian Print Media (newspaper, flip books, pamphlets etc), Electronic Media (TV Advertisements, TV Scrolls), Social Media (FB, Twitter, Instagram, Youtube), Outdoor Media (Rallies, Nutrition Marathon, Food Mela, Hoardings, Posters etc) hmangin ram pum huapa inzirtirna kalpui mek zel a ni. Tin, kumin chhung hian Mid Media (Drama, Storytelling, Folktales etc) hmangin zirtirna kalpui tum a ni bawk.
Tin, Jan Andolan ah hian Community Based Events (CBE) leh Village Health Sanitation & Nutrition Day (VHSND) thla tin hlawhtling taka hman zel a ni bawk.
