Mizoram State Commission for Women.

India Sawrkar chuan Hmeichhiate hamthatna tur a ngaih pawimawh avangin hemi kawnga hma la tur leh an harsatna thlenna tur National Commission for Women chu dt. 31.01.1992 khan New Delhi- ah a din a. He Commission hi Central Sawrkar in a ngaih pawimawh em avangin State tin ah State Commission din tur in a ngen hlawm a. Mizoram-ah pawh dt. 11.08.1998 khan Mizoram State Commission for Women chu din a lo ni ta a ni.

Chairperson and members of the Mizoram State Commission for Women a period for 3 (three) years with immediate effect and until further order :-

Chairperson Mizoram State Commission for Women.pdf

Members of Mizoram State Commission for Women.pdf

1. India Danpui leh Dan tenau a Hmeichhiate humhalhna chungchang leh a kaihhnawihte hman anih tur anga hman anih leh nih loh a thlithlai ang.
2. India Danpui hman lai bakah dan hrang hrang hnuaia Hmeichhiate chungchang bikah tha tawk lo leh hmaih thelhte a awm leh awm loh en a, a tul ang zela siam tha turin rawtna a siam ang.
3. Kum tin emaw tul a tih hun apiangah emaw, Commission chuan Hmeichhia- te humhalhna kawnga hmalakna State Sorkar hnenah a report ang.
4. Hmeichhiate dinhmun tih hmasawnna tur kawnga dan tha zawk a hman a nih theih nan rawtna a siam ang.
5. Hmeichhiate chungchanga Constitution emaw Dante bawhchhiat a nih chuan a thlenna tur hnenah a thlen ang.
6. Hmeichhiate kawng hrang hrang a an chanvo dik tak an chan theih lohnaah rawtna siam tura zirchianna (research) neih leh hnathawh, in leh lo benbelna te, thiamna thar zel atan a tanpuina kawnga harsatna awm thei te zawng chhuakin, an hnathawhna atanga hrisel lohna thlen thei tih tlem emaw tihkian a, an tangkai theihna tawka hman dan kawng a dap ang.
7. Hmeichhia nih vanga thliar bikna leh thlauhthlakna awm thei thilah a bik taka chhui a, zirna buatsaih a, thil tha lote zawng chhuak a, ti bo tura hmalak dan tur a duang ang.
8. Hmeichhiate ei leh bar zawnna kawnga a dawmkanna tur sorkarin a ruahmanna ah tel vein, rawtna a siam ang.
9. Hmeichhiate dikna palzut thuah te, intluk tlanna ah te, Hmeichhiate humhalhna dante hman anih leh nih loh te, Hmeichhe hamthatna tur leh chhawk zangkhai tur policy leh kaihhruaina leh thupek zawm that chungchangah sawiselna a awm leh awm loh ngaichangin a tul hunah thuneitu dik tak hnenah a thlen ang.
10. Jail, Observation Home, Police Station Women Cell, Aizawl Civil Hospital, Hmeichhe Ward, a bika Hmeichhe enkawlna hmunte (Protective Home etc.) tlawhin, hmalakna tul awmte thuneitute hnenah a thlen ang.
11. State chhunga hmeichhia-te hmasawn dan te a enthlithlaiin a zir chiang ang.
12. Mizoram State Commission hian Civil Court case hrang atan miten harsatna an neih a, Mizoram State Commission for Women in a chhuina kawngah India Dan-in a phalsak angin Civil Court hawn theihna power a nei a, hetiangin:-
    1. India ram chhunga chengte chu tupawh an thil chhuina-ah mamawhna an nei anih chuan a ko thei a ni.
    2. Mizoram State Commission for Women in lehkha pawimawh (document) an mamawh ang ang an dil ang chu an pe tur a ni.
    3. Hnuchhuina chungchangah tichiangtu tur a phut thei a. 
    4. Tul Dang a tih apiang pawh a ti thei a ni.