  |   |
 |  |
Press Note :
POSHAN PANCHAYAT MEETING 2024
November 14, 2024 khan Directorate of Women & Child Developmetn buatsaihin POSHAN PANCHAYAT MEETING, Dawrpui Multipurpose Hall-ah neih a ni.
He hunah hian Women & Child Development hnuaia Aizawl Urban Project leh Tlangnuam Project huamchhhunga khawtlang nmi pawimawhte kalkhawmin, Women & Child Development hmalakna chungchanga inzirtirna leh, khawtlang mipuite nena thawhhona ṭha zawk a awm theihna turin sawihona neih a ni.
He hun hi Pi Sailopari, Deputy Director WCD-in a kaihruaia,
Pi Zoramthangi Chhangte, Director, WCD-in kalkhawmte lawman thu leh he meeting hawnna hun a hmang a, a hman zawh hian Angwanwadi Centre pawimawhna leh Khawtlang Mawhphurhna chungchang a sawi, Pi Zoramthangi Chhangte hian ICDS chungchang, thiltum te leh ICDS-in Anganwadi kaltlanga Service a pekte a sawifiah a. Anganwadi tihchaktu khawtlang mipui pawimawhna leh ICDS hnuaia thawhhona ṭha a awm theihna tura pawl pawimawh tak, Co-ordination Committee, Mother’s Committee leh Poshan Panchayat nihna leh mawhphurnate a sawi bawk. Pi Zoramthangi Chhangte chuan kalkhawm te henah,”Anganwadi Centre chu – ICDS kaltlanga Ram hmasawnna kailawn pawimawh tak, ram hriselna bulṭhut, thiam bul ṭanna leh, kan nakin hun - naupangte in tuaihriamna a ni a, Sawrkar laipui pawhin hmasawnna kailawn pawimawh takah hmangin - hriselna, zirtirna leh enkawlna ṭha bulṭan nan a hman zel a ni a ti. Khawtlang hruaitute sawmin,” Mizote hi hnam inpawh tak, khawtlang ṭangrual tak kan nih avangin ram leilung hausakna nei lo mah ila, Human resource ṭha tak kan nei. A ṭha lama a hruaitute’n hma kan lak chak phawt chuan mipuiin min zui zel mai ṭhin”, tiin. Tin, “KAN ANGANWADI CENTRE-te hi kan khawtlang tana hman ṭangkai leh ngaihpawimawh a nih zual zel a, kan ram tana malsawmna a nih theih nan hma I sawn zel ang u”, tiin a sawm a, “Kan Anganwadi Centre-te hi kan ta a nih angin, a neitu rilru pua keinin kan enkawl thiam chuan khawtlang hi rang takin a nghawng vat ang, a sak kawngah te, a enkawl kawngahte a hmahruaitu, midangte zirtirtu I ni ang u”, tiin fuihna leh chona thu ṭha tak a sawi.
Pi Zonunpari Sailo Joint Director WCD chuan, 1000 Days Window of Opportunity chunghcang sawiin, NI 1000 chhung pawimawhna leh hemi chhunga in enkawlna ṭha hian mihring a dam chhungin a ṭha lamin a nghawng thu a sawi a, tin Poshan Abhiyaan chungchang leh a pawimawhna, a thiltumte kalkhawmte a hrilh bawk.
Pi Saitluangpuii, Instructress, Anganwadi Workers Training Centre chuan, Anaemia chungchang sawiin, Anaemia laka kan him theihna turin ei leh in hrisel kan ei a pawimawh thu kalkhawmte a zirtir bawk.
Pi Sailopari Deputy Director kaihhurainain thawhhona leh hmalakna ṭha zawk a awm theih nan a duh apiang tan open discussion hun hawn a ni a, hun hlawkthlak tak hman a ni.
