Ministry of Women & Child Development in a hmeichhe naupangte hlutna chawisan a nih theihna tura a hmalakna National Girl Child Day (NGCD) kum tin a ni 24^th January hman thin chu, kumin pawh Ministry of Women & Child Development kaihhruainain Hmeichhe naupangte ni pual hapta chu ni 19 January, 2024 atang khan Mizoram pumah hman tan a ni a. He hun hi January ni 19 atanga 25 thleng hman a ni.

He ni denchhen hian programme hrang hrang hman thin a ni a, kum in pawh hian ruahmanna hrang hrang zingah he ni puala thingphun, signature campaing leh Pa leh fanu thlalak intihsiakna buatsiah a ni a, hmeichhe naupang zirna leh kawng danga mi hmingthate chawimawi leh hmeichhe naupangte ni – January ni 24 a Mizoram puma Sawrkar damdawiina hmeichhe nau piangte lawmpuina thilpek neih tura ruahmanna kalpui mek a ni bawk. Tin he hapta kharna hun hi ni January ni 25 ah hian hman tum a nib awk.

Kum tina NGCD denchhen a lo tih thin angin, Thing phunna hun neih a ni a, chumi rual chuan Beti Bachao Beti Padhao (BBBP) scheme chu District tinah kalpui turin tlangzarh nghal a ni. He tlangzarhna hun leh Hmeichhe naupangte hapta hawnna hun leh thingphun hi Pu KT Beicho, Secretary, Social Welfare, Tribal Affairs, Women & Child Development Department kaihruaina hnuaiah he Department changtu Minister zahawmtak, Pi Lalrinpui’n a Office Chamber a neih a ni. Hemi ni vek hian Signature leh Pledge ceremony-te hman tel bawk a ni. Minister Pi Lalrinpuii chuan hmeichhe naupangte laka chhungkua leh khawtlang ngaihdan thlak a pawimawh ziate a sawiin, PC & PNDT Act hman dik a pawimawh zia-te a sawi a. Tin, Mizoram hmasawna tur chuan mipa leh hmeichhiate intluktlan a tul zia leh kan Mizo mipa ten hmeichhiate tanrual pui a ngai tihte a sawi a ni. 

National Girl Child Day - January ni 24 hian kum dang ang bawkin, sawrkar damdawiina hmeichhe naupiangte lawmpuina sum fai leh nau puak puan leh certificate-te an nu-te hnenah hlan a ni dawn bawk ang. Heng naupiang lawmna hi, Health & Family Welfare lama Doctors leh Nurse-te leh WCD a Officer leh staff-ten an hmanpui a ni. He lawmpuina thilpek-te hi Mizoram pumah, District Programme Officer-te leh Child Development Project Officer-te pawhin an awmna hmun theuha an hmanga, CHC leh PHC ah-te thilpek hi an hlan dawn a ni.

National Girl Child Day hun hi January ni 25 ah hian a kharna neih a ni anga, he hun ah hian hmeichhe naupang inkhelh leh zirna lama ti tha-te chu chawimawina hlan an ni ang. Hemi bakah hian, Father-Daughter photo competition neih result puanzar a ni bawk dawn a ni.