Women & Child Development, Social Welfare and Tribal Affairs Department leh Environmnent, Forest and Climate Change Department thawh ho na  hnuaiah 22.07.2024 khan Sakawrhmuituai Tlangah Ek Ped Ma Ke Naam (A tree as tribute to my Mother) and Plant4Mother' chu hman a ni a.

He programme ah hian Pi Lalzarmawii, IAS, Commissioner & Secretary, Social Welfare, Tribal Affairs, Women & Child Development Department chuan kaihruai in, Social Welfare, Tribal Affairs, Women & Child Development Department Minister Pi Lalrinpuii chu khuallian a ni a. Vawiinah hian thing tiak 50 phun a ni in, a tah tawlin Mizoram ICDS Project hnuaia Anganwadi Centre tinah kumin September thla chhung hian thing tiak pakhat theuh phun hman tum a ni.

Pi Lalzarmawii IAS, Commissioner & Secretary chuan Mizoram-a sik leh sa danglam nasa lutuk leh In dia rama sik leh sa nuam bera kan lo sawi thin Mizoram meuh pawh thal alo nih chuan India ram hmundangte ang bawkin alo lum ta a. Heng te anih avang hian tun hmaa sik leh sa nuam tia kan lo sawi thin anga kan awm leh theih nan leh environmental sustainability kan vawn him zel theih nan thingphun uar a ramngaw humhalh na kawnga theihtawp chhuah thar leh turin kalkhawmte a chah a ni.

Social Welfare, Tribal Affairs, Women & Child Development Department Minister Pi Lalrinpuii chuan thing te hi boruak tha min pe tu an nih mai bakah tunlai khawvela kan buaina lian ber boruak lum chho zel venna atana pawimawh ber a nih thu a sawi a. Heng bakah hian kan leilung luang ral tur veng tu tha tak a nih thu leh khuarel chhiatna tamtak lakah min veng thei tu a nih thu a sawi bawk.

Heng bakah hian Minister hian he hun hman ruala thil pawimawh leh mamawh ni a lang chu mipui thinlunga thingphun pawimawhna leh thingphun uar kan mamawh tawh zia nghet taka an rilru a tuh hi a tul hle ni a sawiin, mipui tam ber ten thingkung hlutna leh kan tana thingkung pawimawhzia kan zir chhuah nawn a pawimawh thu leh hemi kawnga mipui te rilru hmin tura mi thahnem ngaite bakah, sawrkar leh tlawmngai pawlte kan tanrual a tul a ni a ti. Vawiin a kan thing phun te hian kan tuchhuan lo la awm zel tur te kan thilpek theih hlu ber a ni tih hria in tuna kan thing neih sa te hi humhalh chungin thingphun uar sauh sauh turin kalkhawmte a sawm bawk.

He hunah hian Pi Zoramthangi Chhangte, Directro women & Child Development chuan kal khawmte hnenah an tawiawmna avangin lawmthu sawiin, ramngaw humhalh leh thingphun pawimawhna pudarhtu ni tura sawmin hunhman a ti tawp a ni.