Celebration of National Girl Child Day(NGCD) and 10years of Beti Bachao Beti Padhao(BBBP)
Vawiin Ni 24, January, 2025 hi National Girl Child Day (NGCD) anih angin, a lawmna hun pui ber chu Dawrpui Multipurpose Centre, Aizawlah hman a ni a. he hun hi Pu Khili Ram Meena, Chief Secretary chuan khuallian niin a hmanpui a, Pi Lalzarmawii I.A.S, Commissioner & Secretary SWTA & WCD chuan he hun hi a kaihruai a ni. Kumin National Girl Child Day lawmna hi Beti Bachao Beti Padhao (BBBP) kum 10 (sawm)-tlinna lawmna nen hman kawp a ni.
He hunah hian mi pawimawh tak tak Line Departments hrang hrang Health & Family Welfare Department, School Education Department, Home Department, RD, LAD, LESDE, SYS, UD & PA, District Council & Minority Affairs, Bank, Post Office leh SWTA lam bakah WCD atangin an tel a, lo kalkhawm te hi Pi Lalzarmawii I.A.S, Commissioner & Secretary SWTA & WCD chuan lo kalkhawm te lawmna thu sawiin, Miss Mizoram, 2024 Nl Jennifer Lalrinzuali Renthlei chuan BBBP Pual-a ‘Thutiam lakna’ a kaihruai a. Hemi hnu hian Khuallian Pu Khili Ram Meena, Chief Secretary chuan kalkhawm te National Girl Child Day lawmna thu sawiin kum 2011 Census-a a landan in Mipa leh Hmeichhe naupiang inthlauhna chu Mipa naupang naupiang 1000 zelah hmeichhe naupang 918 chauh anih thu te, chumi avang chuan hmeichhe naupangte an dam khawchhuah nan leh humhalh dan tur te, zirna tha pek dan tur te ngaihtuah a, hma la turin Beti Bachao Beti Padhao (BBBP) Scheme, Prime Minister Pu Narendra Modi chuan January, 22, 2015 khan Panipat, Haryana ah a din thu a sawi a ni. Mizoram ah chuan Siaha leh Serchhip ah te Child Sex Ratio (CSR) a hniam avangin BBBP hi Pilot Project angin kalpui hmasak a ni a, tun dinhmunah pawh hian Mizoram district ah chuan Siaha leh Champhai te hi CSR hniamna district a la nih avangin heng district ah te hian ngaih pawimawh a ngaih thu a sawi bawk a ni.
NGCD lawmna ah hian Hmeichhe naupang, kawng hrang hranga hlawhtlinna tha tak tak nei sawmpanga (15) chawimawi an ni a, chungte chu
- Caroline Malsawmkimi – Table Tennis
- Lalrinhlui Hmar – Badminton
- Zenath Lalngaihawmi – Judo
- Esther Vanthangpuii – Taekwondo
- Esther Lallawmsangi – Boxing
- Christina H Lallawmawmi – Arm Wrestling
- Laldinfeli – Arm Wrestling
- Zosangzuali - Weightlifting
- Esther Hnamte
- Vanlalmuanpuii – Class 10 Maths Topper
- Lalramluahpuii – Class 10 Science Topper
- Vanlalenkawli – Class 10 Science Topper
- Lallawmsangi – Class 10 Science Topper
- Lalchhandami – Class 10 Science Topper
- Didi Rambawithim – Class 10 Science Topper
- R. Lalremngheti – Class 12 Biology Topper
Pi Zoramthangi Chhangte, Director, WCD chuan thusawiin, kum 10 chhunga BBBP anga hmalakna hrang hrang lo awm tawh te leh BBBP thiltumte kalkhawmte hnenah hrilhhriatna neiin, a tirah chuan Pilot Project angin Siaha leh Serchhipah bul tan anih thu te, tun dinhmunah chuan Mizoram chu kan Sex Ratio at Birth rate 956 girls per 1000 boys anih thu a sawi bawk a ni. Khawtlang nuam tak din turin, hmeichhe naupangte duat tak leh duhsakna sang ber nen mitinin tan I la thar theuh ang u, tiin kalkhawmte a sawm a ni.
Heng bakah hian Pu Lalramsanga Sailo IRS, Secretary, Sports & Youth Services and Excise & Narcotics Dept chuan thu tawi sawiin, BBBP kum sawm tlin lawmna puala hlaphuah tlangzarhna a nei nghal bawk a, he hla thar hi Ruatpuii’n a sa a ni. lawmthu sawiin he hun hi khar a ni ta a ni.NGCD lawmna inkhawm hi Dawrpui School of Science & Technology leh Centenary School Dawrpui Church te chuan an hmanpui a,
He hunah hian zaithiam lar ICON Lalsangliana te, J Lalrosanga leh Ruatpuii bakah Esther Hnamte te chuan kalkhawmte zaiin an awi a ni.
 |  |  |  |
 |  |  |  |
 |  |  |  |
 |  |  |  |
