Hmasawnna kal zel leh nunphung danglam chho zelin ram kalphung pawh a nghawng danglam zel avangin, mahni in leh khua kalsanin khawpui leh thingtlang lam atangin hmeichhia/nu nau in eizawnna leh hmasawnna zawngin, khualkhaw lam an pan zel a. Heng hmeichhiate harsatna tawh thenkhat zinga pakhat chu chenna tur him leh felfai awmlo hi ani. Heng hmeichhe hnathawkte harsatna tawh thin hi hriain India sawrkar chuan scheme thar kum 1972-73 khan a duang a, khawpui chhung leh thingtlang khaw te deuhahte pawh  chenna tur in sak sak leh a awmsate leh hostel te siama tih changtlunna tur a ruahman a.  


A thiltumte:

He scheme in a atum ber chu hmeichhia mahni hnathawh avanga in leh lo kalsan ngaite tan him leh changtlung zawk a an khawsak theihna tur chenna hmun siamsak leh an fate tan pawh awmna leh awmtu tur lo ngaithuahsak a tel bawk a ni.  Building leh hostel ram luah sa a sakna tur leh a awmsate pawh tih changtlun lehzualna turin he scheme hi ruahman a ni a.  He scheme Working Women Hostel project ah hian hmeichhia hnathawk lai zawng zawngte chu a huam tel vek tur ani.  Eng chi leh hnam pawh, eng sakhaw bia pawh, pawm lai nei leh neiloh pawh nise a huam vek a ni. He scheme hi hmeichhe hnathawkte tana buatsaih anih angin, hmeichhia hnathawk tura training la mekte tan pawh a awm theih vek a, mahse heng training la mekte chu hostel a 30% hmun ai a tam an awh theih loh bakah hnathawk lai an awm loh a hmun ruak a awm chauhvin hostel seat an chang thei ang.         

 

A hnuaia in ziak hmeichhia hnathawk lai leh an fate he scheme hian a huam ang:

  1. Hmeichhia hnathawk kawplai neilo, hmeithai, nuthlawi, chhan hrang hrang avanga pasalte nen a khaw khata cheng ho thei lo. Hmeichhe harsatna bik nei te tan a bik a ruahmanna siam ani ang. Rualbanlote tan a bik seat siamsak an ni bawk ang.
  2. Hmeichhia training nei lai mekte awm thei chin chuan kum khat aia tam a awm pel tur ani lo a, hmun ruak a awm chauh a luah thei ang a, tin, hostel a hmun (seat) 30% ai tam an luah thei lo ang.
  3. Hmeichhia kum-18 chin leh mipa kum-5 chinte an nute awmpui laite chu awmna tur leh awmtu tur pek an ni bawk ang. Nu hnathawk laite pawh in he scheme-in a buatsaih Day Care Center an chhawrbawk thei ang.