Awareness: 

          Tanpuina mamawhtu ten awlsam taka pan tur / call tur an hriat theihnan a tam thei ang ber awareness pek chhuah thin a ni a, chungte chu: 


A. Card & Pamphlet: Khawpuiah (Urban) leh thingtlang (Rural) khaw hrang hrang ah awareness card leh pamphlet  a tam thei ang ber sem chhuah thin a ni.  


B. Poster: Khawpui chhunga veng hrang hrang leh thintlang ah hmun ualau leh lun lai deuh ah te mi tam zawkin awlsam taka an chhiar theih turin awareness poster tar chhuah thin a ni. 


C. Awareness Video & Scroll: Local channel hrang hrangah awareness video pek chhuah a ni a, a bikin Zonet Beiseina channel ah kumtluana video leh scroll a tih chhuah char char a ni bawk. 

 

 

D. Radio talk & Live Phone-in: All India Radio ah Women Helpline Mizoram hnathawhdan zau zawka mipuiin an lo hriat theihna turin Radio Talk vawi engemaw zat neih a ni a. Hei bakah hian, a ngaithlatu mipui ten zawhna an zawh theihna turin Live Phone-In hun hman thin a ni bawk. 

 

E. Talk Show: Doodarshan Kendra (DDK) ah Women Helpline Mizoram hnathawh dan leh tanpuina dawn theih dan kawng hrang hrang te sawi hovin Talk show neih a ni 


F. Awareness Programme: School, College leh University ah te awareness programme hman thin a ni a. Chunga langsar zual te chu Mizoram University, Govt. Aizawl College, Aizawl West College, Pachhunga University College te an ni a, Aizawl khaw chhunga veng thenkhatah leh school ah te pawh neih a ni bawk. Heng bakah hian Mizoram University te nen tangkawpin Lamchhip khua ah awareness programme hlawhtling tak neih a ni a, Kolasib Parish Hall ah pawh Kolasib district tan neih a ni bawk a ni. 


 G. Local Newspaper: ‘Vanglaini’ leh ‘Zalen’ chanchinbu ah te Women Helpline Mizoram chungchang a khat tawka chhuah thin a ni. 


Training: 

          Mizoram chhunga hmeichhia te dinhmun chawisan a nih theih nan leh hma kan sawn tlanna tur a pawimawh hrang hrang chungchangah thupui / topic thlan bik neiin training pek thin a ni a. 

A. Administrative Training Institute te nen tangkawpin Group A officer te, NGO hruaitu te, Community Based Organization hruaitute vawi engmaw zat training pek an ni. 

 

B. Home Department / Mizoram Police te buatsaihin Cyber Crime awareness training neih a ni a. Resource Person atana min sawm angin topic pawimawh hrang hrang cover in training pek thin an ni. 


International Women’s Day 2020:  

Ministry of Women and Child Development in min beisei angin Women Helpline Mizoram leh One Stop Centre Mizoram te tangkawpin International Women’s Day 2020 chu hlawhtling taka Millennium Courtyard ah hman a ni. He IWD programme hi awareness programme pawimawh tak a nih avangin zoram mipui tam zawkin an en theih nan social media hrang hrang ah thehdarh a ni bawk.