Mizoram State Social Welfare Advisory Board (MSSWAB) hi Ni 25 September, 1973 ah Mrs. M.Mukherjee w/o S.P. Mukherjee, Lieutenant Governor, Mizoram kaihhruaina hnuaiah Central Social Welfare Board in ti tura a hriattir angin; Mizoram Sawrkar leh Central Social Welfare Board ten 50:50 a senso in tum sem turin din a ni. A dintirh atangin Hmeichhia leh naupangte hamthatna tur a Central Social Welfare Board in Scheme a siamte kaltlangin Tlawmngai Pawlte nena thawk dun in vawiin ni thleng hian a la kal zel a ni. Tin, Central Social Welfare Board hian kum 2004 khan Advisory lai hi paihin tunah chuan ‘Mizoram State Social Welfare Board’ (MSSWB) tih a lo ni ta a ni.
Board din a lo nih takah khan, Tlawmngai Pawl, Scheme han kengkawh tur leh enkawltu tur remchang a awm loh avangin, tuna Mizo Hmeichhe Insuihkhawm Pawl tih nita hi, ‘Mizoram Hmeichhe Insuihkhawm Pawl’ tiin kum 1974 khan din a lo ni a. Tunah chuan Mizorama Hmeichhe Pawl lian ber lo niin; Board Scheme hrang hrangte avangin Mizorama Hmeichhiate chuan hmasawnna rahbi kan lo dawng ta ti ila kan sawi sual lovang.
He Board tan hian Chairman hrang hrang thawh hlawk tak tak an lo awm tawh a, chungte kaihhruaina zarah Hmeichhia engemawzatin leirem an lo rah phahin; mahni intodelh engemawzat an lo awm tawh a ni.
I. Amaherawhchu, tunah chuan Board hnuaiah hian Family Counselling Centre 8 chiah kan nei tawh a, he Scheme kaltlang hian Hmeichhe tanpui ngai engemawzat tanpui niin; Counselling te pein, nupa inthen tur engemawzat suihkhawm leh an ni a. Heng a hnuaia tarlan te hi FCC enkawltute an ni.
a) Aizawl - 2 - Young Women Christian Association and
Centre for Peace and Development
b) Lunglei - 1 - MHIP Sub-Hqrs. Lunglei
c) Hnahthial - 1 - Social Guidance Agency
d) Kolasib - 1 - Joint MHIP Kolasib, Kolasib Dist.
e) Vairengte - 1 - Joint MHIP Vairengte
f) Serchhip - 1 - Samaritan Society of Mizoram
g) Saitual - 1 - Open Doors Society
Heng FCC tinah hian Counsellor 2 theuh awmin; MSW, MA (Psychology), MA (Sociology) te leh Post Graduate dangte an thawk a ni.
Heng Counsellors te hi a khat tawka Training pek an ni thin. FCC zawng zawng te hi Prevention of Women Against Domestic Violence Act, 2005 hnuaiah hian Service Provider a puan anni vek a, chuvangin, Domestic Violence Case engemawzat Protection Officer te nen an thawk a, Court ah te an kalpuiin an buaipui thin a ni.
II. Staff Position :
Mizoram State Social Welfare board ah hian Post engemawzat awmin; post ruak engemawzat pawh a awm a, tun dinhmunah chuan hetiang hi Staff dinhmun a ni.
1) Chairman - Charge taken from Joint Secretary, SWD, Govt.
of Mizoram .
2) Secretary - Additional Charge taken by Officer from Social
Welfare Department.
3) Asst. Project Officer – 1 Attached from CSWB taking additional charge
with Tripura State Board.
4) Counsellor-cum-Welfare Officer - 1
5) UDA-cum-Accountant - 1 vacant
6) UDC - 1 vacant
7) Stenographer - 1 vacant
8) Data Entry Operator - 1
9) L.D.C. - 5
10) Drivers - 3
11) Peon - 1 vacant
12) Chowkider - 1 vacant
III. Office Address :
Mizoram State Social Welfare Board hian Office atan Mizo Hmeichhe Tangrual Building, Khatla ah a luah mek a ni.
IV. Tunah hian Mizoram State Social Welfare Board Chairman atan Mrs. Donnie, Joint Secretary, Social Welfare Department chuan Charge ala mek a ni.
Tin, Pi C.Lalthuamluaii, Deputy Director, Women & Child Development, SWD, Govt. of Mizoram chuan Secretary Charge a la mek bawk.
