Women and Child Development, Government of Mizoram, India

NAUPAI/NAUPAWM TANA HAMTHATNA

India rama hmeichhiate (Nu) khawtlang leh chhungkua a an dihmun hniam lutuk chawikanna atan leh Nu in nau a pai lai leh a neih hnu pawh a hnathawk chhunzawm lova amah leh naute a inenkawl ve theihna atan pawisa fai a tanpuina turin 1.1.2017 atanga District zawng zawng a hman tan turin India sawrkar chuan PMMVY scheme hi a siam a ni.

He scheme hnuai ah hian Nu in nau a pai leh a neih hun chhung a amah leh naute hriselna kawnga lo inenkawl ve theih nan pawisa fai Rs.5000/- in tanpuina a pe dawn a ni.

Damdawiin emaw sawrkar pawmpui Nauneihna hmun ah nau a neih chuan Janani Surakhsha Yojana (JSY) hnuaiah pawisa Urban area ah Rs.600/- ani a Rural ah Rs. 700/- an dawng thei bawk.

PMMVY tum ber

Nu in a fa hmasa ber a pai leh pawm lai a hna thawk lo leh hahdam zawk a alo awm a, naute chuan hnute tui a mamawh tawk pe thei tur Nu chu a lo chak zawk theih nan inenkawlna turin pawisa fai a tanpuina pek.

Nu naupai leh naupawm in hriselna kawnga a in enkawlna tur atan.

PMMVY hnuaia pawisa dawn theih dan kalhmang te:

Installment	Conditionalities	Amount
1^st instalment	Nau a pai atanga ni 150 chhungin Anganwadi Center ah a in ziaklut tur a ni	Rs.1,000/-
2^nd instalment	Thla 6 ( Six month) nau a pai hnuah vawikhat tal Ante natal Check-up neih tur a ni	Rs.2,000/-
3^rd instalment	Nau neih hnuah, naupiang chhinchhiahna (Birth certificate) a nei tur a ni a Naute in heng BCG, OPV, DPT leh Hepatitis-B, emaw a tlukpui tur hri danna a la tur ani	Rs.2,000/-

HAMTHATNA DAWNG TURA HRIAT TURTE:

Anganwadi Centre ah PMMVY Form lakchhuah tur.
Mother- Child Protection Card (MCP card) a neih ngei ngei a ngai.
Diltu leh a pasal in Aadhaar card emaw voter's ID card a nei ngei ngei tur a ni.
A diltu in ama pualin Bank account a nei ngei ngei tur ani.
Diltu in Aadhaar a neih chuan a Bank Account nena inthlunzawm naah a pawisa dawn turte a lut ang.
3^rd Installment dawn nan Aadhaar hi neih ngei ngei a ngai a ni.

PMMVY Form leh MCP Card te hi Anganwadi Centre ah a thlawnin a lak theih.

PMMVY HMALAKNA TE

2019-2020 chhunga PMMVY hamthatna pawisa semchhuah dan

Installment	No. of beneficiary	Amount
1^st Installment	6911	Rs. 6911000
2^nd Installment	6910	Rs. 13820000
3^rd installment	6064	Rs. 12128000

AWARD

PMMVY Mizoram hian kum hnih hnathawk tha lawmman National Award an dawng tawh.

A Vawihnih na atan Serchhip District chuan District hnathawk tha ber lawmman “1^st Rank in implementation of PMMVY” Award chu 2019 ‘Matru Vandana Saptah’ Closing Ceremony Delhi ah an dawng ani.

PMMVY Information Education Communication Activities hrang hrang te

HOARDINGS

Advertisement in TV Local channel, Talk Show at DDK & AIR

ADVERTISEMENT IN TV LOCAL CHANNEL, TALK SHOW AT DDK & AIR

Pre launch Pilot Training for PMMVY-CAS Mobile Application

Mobile Application hmanga PMMVY Beneficiary te PMMVY-CAS a thun theih dan tur Ministry of Women & Child Development Officials te nen training neih a ni

STEERING & MONITORING COMMITTEE

Steering & Monitoring Committee hian PMMVY hnathawh te thlir ho in, hmasawnna tur a ngaihtuah a ni.

State Level Steering & Monitoring hi Secretary kaihhruai na hnuaiah neih thin a ni.

District Level Steering & Monitoring Committee hi District Magistrate in kaihruai in, Block/Village Level hi DPO/CDPO kaihhruai na hnuai ah neih thin a ni.