OSC, AIZAWL 

          Sawrkar kum 2019-2020 chhung hian OSC, Aizawl hian case 51 a dawng a. Heng case 51-ah hian 50% zet chu inchhung khur a hmeichhe chunga hleilenna niin, a mal khai a case dawn hnem ber a ni. 

  

          A dang zawngah hian a langsar zualte chu hmeichhe baihvai chhawmdawl ngaite, nupa inkar a innghirnghona leh a kaihhnawih te, nupa inthenna avanga inchhung bungraw insem chungchang leh naupang inchuh chungchangte an ni. 

  

          Case dawn zat leh case nihphung hrang hrangte chu a san dan indawtin a hnuaiah hian chart hmang a tarlan a ni. 

 

AWARENESS ACTIVITIES: 

          Sawrkar kum 2019-20 chhung hian Aizawl khawpui leh a chhehvel huam chhungah inchhung khur a hmeichhiate chung a hleilenna chungchanga inzirtirna (awareness on domestic violence against women) tum 27 neih a ni. 

  1. Heng awareness program te hi Aizawl khawpui huam chhung a MHIP, YMA, Local Council leh hmeichhe buaipuitu tlawmngai pawl hrang hrangte neihpui thin an ni a. Anni hi an remchanna hmun leh hunte ngaichangin, an awmna hmunah kal chilh a awareness hi neihpui thin an ni. Heng awareness program hrang hrangah hian OSC in service a pek theih kimchang tak a inziahna leaflet a tam thei ang ber sem chhuah thin a ni bawk. 
  2. College zirlai naupangte, an zirna inah kal chilh a awareness pek thin an ni bawk. 
  3. College zirlai naupangte hian OSC hi observation visit leh field work neihna atan an rawn hmang thin bawk a. Anni hnenah hian OSC nihphung leh hnathawh dante kimchang taka hrilh thin a nih bakah, a mamawhte hnena an sem atan leaflet hi pek thin an ni bawk. 
  4. Aizawl municipal area-a Police Station hrang hrangte OSC staff ten tlawh kualin, OSC kalphungte hrilh hriat an ni a. An hnena tlu lut hmeichhia, hleilenna tuarte hnena an pek atan leaflet hi dah vek a ni bawk. 
  5. Hetiang bawk hian Aizawl khawpui a Hospital hrang hrangah pawh tih a ni. 
  6. Local cable network pahnih – LPS leh Zonet-ah a khat tawkin OSC Aizawl service pek theih hrang hrangte tarlan thin a ni. 

         

          International Women’s Day (8th March, 2020) denchhenin OSC, Aizawl leh Women Helpline, Mizoram tang kawp chuan Millennium Centre courtyard-ah awareness program hman a ni a. He hunah hian zaithiam leh thusawi thiam hrang hrang sawmin, darkar 3 vel hun hman a ni.

 

International Women’s Day Celebration

Awareness campaign with MHIP, Thuampui 

Awareness Campaign with MHIP Unit, Bawngkawn


OSC, LUNGLEI 

  1. No.of case –21
  2. No.of awareness - 9
  3. No.of home visits – 4 

Advocacy meeting at Lunglei Police station 

Awareness at Chhawmdawlna In


Awareness with MHIP Pukpui Branch 

Awareness with MHIP Branch,Pukpui

Women’s Day celebration cum awareness at NT,Hrangchalkawn


OSC, CHAMPHAI 

One Stop Centre, Champhai hi ni 7th, August, 2019 ah function tan ani 

No. of Case: 8 



AWARENESS:

          One Stop Centre, Champhai hi adintirh atangin Awareness hi vawi 10 neih ani.One Stop Centre hian Awareness neiin Centre alo din chhan te, Centre in atum leh Service neih theih dan te sawina hun hman thin ani. Atheih ang ang in Anganwadi Centre ah te kalin Awareness neih thin ani. District Legal Services Authority te nen tangkawpin program buatsaih thin niin, he hunah hian Centre in service delivery atih theh te in hrilhhriatna leh kalphung te sawiin, DLSA atang hian dan leh hrai chungchang sawina hun hman ani bawk.Tin, District Level Centre for Women te nen tangkawpin Awareness program buatsaih thin ni in, he hunah hian hmeichhia te hamthatna leh kan puih theihna te sawiin hun hman thin ani. Hei bakah hian Short Video siam niin Local Cable Network ah chhuah ani. Social Media ah account siamin, awareness leh Advertisement  neih thin ani.Awareness neih theih loh chinah(lockdown) One Stop Centre Objective leh service delivery te dawrah leh inah atheih angin lehkha (pamphlets) sem thin ani.

OSC, KOLASIB 

Number of cases:

2019  - 6

2020  - 10

Total = 16

Number of Success Cases: 12

Awareness program leh OSC Pamphlets semna: 

          College veng, Diakkawn, Vengthar,Hmarveng leh Venglai community Gram Sabha ah One Stop Centre chungchang chu mipuite hriatthiam tura sawina hun hman ani.

Ni 14 November,2019 -- Vairengte 

Ni 18 November,2019 -- Saihapui K, Bukvannei, Buhchangphai leh Phaisen 

Ni 22 November,2019 -- Bairabi, Meidum leh Pangbalkawn 

Ni 29 November,2019 – Zanlawn, Serkhan, Sentlang leh Lungdai 

Ni 28 January,2020      -- Mualvum 1st IR Batallion.

Ni 13 February,2020    – School of Nursing, Thingdawl 

First Management Board Committee - 2nd March,2020

Observation of Women’s Day 2020 - 9th March,2020

Dt.18th Nov,2019: Phaisen Anganwadi leh ASHA workersDt.29th Nov,2019 :Lungdai leh Sentlang Village Council President
Dt.28th January,2020: Awareness program at Mualvum, 1st IR BattalionDt.13th February, 2020: Awareness program leh Miss Mizoram Beauty contestant, School of Nursing, Thingdawl
Dt.9th March, 2020: Observation of Women’s Day with District Legal Service Authority at One Stop Centre 


One Stop Centre, Kolasib District ah case register tawh at hi 16 ani a, 2019 ah case 6 leh 2020 ah case 10. Case register tlangpui hi District Legal Authosity Service ah kalpui thin an ni a, One Stop centre ah chuan case intake, Psycho-Social Counseling leh Medical Checkup pek vek an ni. Nupa a harsatna neite chu an pahnih a counseling pek thin an ni.Lockdown lain client 3 kan nei ani.

            One Stop Centre services te hi mipuite hnenah a tam zawk a hriattir anih theih nan awareness te neiin OSC pamphlets te sem anih bakah veng hrang hrang Gram Sabha ah te thusawina hun neih ani. 

 

OSC, SERCHHIP 

            One Stop Centre Serchhip hi Sept 11,2019 khan hawn a ni a March 2020 thleng hian Clients 16 nei tawh in Domestic Violence case a tam ber a ni. Case 2 hi Swadhar Greh Serchhip ah refer niin Case tam ber nupa inkar buaina hi Counselling leh tanpuina dang pe in an harsatna te chinfelsak thin a ni. Buaina avanga FIR thehluh leh Court Case neih a awm rih lo.

            One Stop Centre hi Serchhip District a din a nih atang hian Hmeichhia harsatna tawk engemaw zat in an chhawr tangkai hle tawh a, hun lo kal zel tur ah Hmeichhe awm nem zawk ten buaina leh harsatna nasa zawk an tawh loh nan  theihtawp in hma lak zel a ni.

5.10.2019 Awareness Campaign Anganwadi Centre P&E Veng Serchhip
24.01.2020:PHC Conference Hall, N.Vanlaiphai, Domestic Violence chungchang training ASHA & MHIP hruaitute nen.
5.02.2020 Health Sub Centre Keitum: MHIP leh ASHA  te nen,  Awareness Campaign neih a ni

12.02.2020 THENZAWL CHC- MHIP leh ASHA workers te Awareness Campaign neihpui an ni

8.03.2020: International Womens Day Catholic Hmeichhe pawl te nen

OSC, LAWNGTLAI 

            One Stop Centre hi August 2019 atang in Lawngtlai District ah kalpui tan a ni a, a hnuaia kan tarlan ang te hi hnathawh dan leh kalpui dan a ni.

  1. Client (Case neih zat) :  Case kan register tawh zawng zawng hi pasarih a ni a, heng zinga mi pathum te hian riak lut in Centre hian an mamawh (Basic Need) te a pe a, case ziahluh te  hi a tlangpuiin (Domestic Violence) Nupa inkara harsatna leh hmeichhia tihduhdahna kut inthlak te an ni. An harsatna sutkian sak turin Psychosocial Counselling leh Legal Counselling te pek thin an ni bawk a. Case kan ziahluh atanga pahnih tih loh adang zawng te chu an harsatna sutkian sak (Success) an ni.  

 

  1. Awareness leh Outreach Programme :  Awareness hi vawi 6 neih a ni tawh a, Angawadi Centre leh Sub Centre hmun thenkhat ah te neih a ni. Tin, Outreach programme hi hmun thum ah neih tawh bawk a ni.

 

  1. Programme Organised :  Date 7th March 2020 khan  Women’s Day Programme huaihawt a ni 


 

OSC, SIAHA 

            One Stop Centre, Siaha hi August 2019 atanga function tan ani a. A hnuaia tarlan hi a tlangpuia hnathawh dan leh a lo hlawhtlin tawh n ate ani. 

1. Client (Case) neih zat: - Case hi a vaiin 6 neih tawh ani a,  heng zingah hian 4 hi an harsatna te sutkian pui anni tawh ani. Case neih te hi a tlangpuiin (Domestic Violence) nupa inkara harsatna leh chhungte nen a intih thiamlohna nei te anni. Psycho Counseling leh Legal Counseling hmanga an harsatna te hi chinfel pui anni a, a khat tawka vil leh en thlithlai zui reng anni bawk. Case a ziahluh lem loh call dawn hi vawi 3 vel niin a hmuna kalin enfiah anih hnuah anmahni lam atanga register duhloh avangin ziahluh loh te anni bawk. 

2. Awareness and Orientation/Sensitization programme:- Awareness hi vawi 4 neih a ni tawh a Anganwadi Worker, Students leh Ngo’s ah te neih tawh niin, International Womens day leh Girl Child day te BBBP leh DCPU nen tangkawpin Awareness leh talk show neih tel nghal ani. Sensitization leh Orientation hi staff zingah vawi 2 neih ani tawh bawk.