Mipa leh hmeichhia inthliar hranna awm thin hi khawvel buaipui tham a tling a. hmeichhia awmnem zawkte chunga hleilenna leh talhfiak lek anih fo na hi khawi ram mai pawh hian an buaipuite zinga mi ani awm e. Heng hleilenna leh tihduhdahna hian tisa leh rilru ah nasa takin nghawng a nei thin a, chu mai pawh nilovin thihna hial a thleng fo mai. Heng hleilenna thleng thin hi kan ram pawh a tuar nasa ber pawl kan ni awm e. Kum 2012 a kan ram khawpui bera hmeichhe pawisawilo khawih rawn leh pawngsual rawn anih a, sawisakna leh hliampui nasa tak tuara kalsan a nih khan he ram mai ni lo, khawvel a dengchhuak a. Chumi kal zelah chuan hmeichhe humhimna lamah nasa zawka chaktaka hma lak ni chhovin, sawrkar laipui chuan hmeichhiate’n in lam leh khawlaia hmeichhiate chhaihnawmnah/ kutthlak leh kutpalh an tawrh fona do letna atan “Nirbaya Fund” chu a din ta rup mai a. He Nirbhaiya Fund hnuiah hian Scheme 3 siam an ni nghe nghe a, chungte chu – 1) One Stop Centre. (OSC) 2) Universal Women Helpline.(WHL) 3) Mahila Polive Volunteers (MPV) te an ni.
One Stop Centre (OSC) hi Nirbhaya Fund hnuaia Scheme pakhat niin, Mizoram-a a hmasa ber atan October, 2016 khan Aizawl-ah din a ni a, tunah hian District 8-ah din a ni tawh a ni. Ministry of Women and Child Development (MWCD) hnuaia hmeichhiate chunga hleilenna eng chi pawh thleng thei laka an lo him zawk nan leh an dinhmun tih changtlunna atana buatsaih project pakhat a ni.
A thil tumte:
- Taksa emaw Rilru emaw-a harsatna tawk/hleilenna tuar hmeichhia, a tuartirtu an pasalte emaw, chhungte emaw, mi dang/hrang emaw, an chenpuite emaw, pawnlam mi emaw tanpuina tur leh lo enkawl lailawkna tur hmun a ni.
- Hmeichhia tanpui ngaite’n an mamawh ang zel-a, Medical lam emaw, Law lam emaw, Psychological lam emaw counseling a tul anga lo pek.
OSC ah hian mi pakhat tan ni 5 leh zan 5 a awm theih a, an awm chhung hian nitin mamawh a thlawna tumsak an ni. Engtik lai pawhin (24x7) a inhawng reng a, engtik hunah pawh zanlai a ni emaw, zing karah pawh pan theih reng a ni. OSC hi a him tawk a, darkar 24 security guard venhimna hnuaiah a awm bawk a ni. Hmeichhia, puitling leh naupang, hleilenna tuar te lo enkawl-a lo tuamdam a, an mamawhna zawna tanpuina lo pe tura din a ni.
Hmeichhe naupang kum 18 hnuai lam tan chuan Juvenile Justice (Care and Protection of Children) Act, 2000 leh The Protection of Children from Sexual Offences Act, 2012 a awm a, chumi hmang chuan OSC staff te hian tanpui dan an ngaihtuah thin a ni. Hmeichhia tupawh tanpui ngai apiang chu eng hnam pawh nise, eng sakhua pawh nise, khawi hmun ami pawh nise – lo tanpui hi OSC mawhphurhna/awmchhan a ni.
At present, there are Eight (8) OSCs and the following are their Addresses and Phone Numbers:
Attachment
