NATIONAL CRECHE SCHEME FOR THE CHILDREN OF WORKING MOTHERS

Ram alo changkang zela, hmeichhe lehkhathiamte kan pung zel a,hmeichhiate’n hna thawkin in an chhuahsan te a lo ngai ta a.Tin,thingtlang atangin khawpuiah ei leh bar zawngin mi kan pem lut nasa em em bawk a,tunhma angin pi leh pute nena chenho te a lo tlem deuh deuh a, nuin a fa a awm hman tawh lova,a fa lo awmsak theitu tur awmpui a lak te a lo ngai ta a, hengte hi hriaiin Sawrkar laipui chuan ‘National Creche Scheme’ chu alo duang ta ani.

Mithiamte ngaihdan chuan naupang kum 6 hnuailam te hi uluk taka enkawl tur anni a.Hemi hun hi naupangte thluak than chak ber hunlai anih avangin,hemi hun chhunga zirtirna leh enkawlna tha an dawn loh chuan naupangteah sawngnawina a awm thei ani anti a.Chuvangin nauawmtu te kut ringawta nausen/naupang dah hi tha an tilo ani. Chuvangin, nuin hna a thawh chhung zawnga ngaihtuahawm lova a fa a lo dah theihna hmun chu ‘Creche’ hi a lo nita ani.

A THILTUMTE : 

  1. Nuin hna a thawh hlana him taka a fa a dah theihnan enkawlna tha naupangte lo pek.
  2. Naupangte hnena chawtha pek leh an hriselna tihhmasawn
  3. Naupangteah kawng tinrenga hmasawnna thlen.
  4. Nu leh pa te leh khawtlang mipuite’n an fate an enkawl thiam theih nana zirtirna pek

A HNATHAWH TE :

  1. Nilenga nauawmna leh mutna hmanrua
  2. Naupangte te tan kawng tinrenga hmasawnna thlen.
  3. Chawtha pek
  4. Naupangte than dan endik.
  5. Naupangte hriselna leh thandan endik

TU TE TAN NGE? : 

Nausen thla 6 atanga kum 6 inkar naupangte.An nute’n lohtheihlohna avanga hnathawka an chhuahsan ngai te tan tih ani.

CRECHE CHHAWRTUTE LEH HNATHAWKTUTE :

  • Duhthusam chuan Creche pakhatah hian naupang 25 aia tam an awm tur anilo.
  • Nauawmtute hi ‘trained’ anni tur ani.
  • Creche pakhat zelah Worker 1 a awm anga, Helper 1 an awm bawk ang.
  • Creche worker hi Matric passed emaw a aia zir sang ani tur ani.
  • Creche Helper hi Pawl VII passed emaw a aia zirsang ani tur ani.

 

CRECHE BUILDING LEH VENG CHUNGCHANG :

Creche building hi hmun him leh engthawl takah a awm tur ani a, duhthusam chuan naupang nu te hnathawhna hmun atanga hla lutk ah a awm tur anilo. A chhan chu :

  • Nuin chhun chawlhah te hnute a pek theih nan.
  • Emergency thil a awm thut ah an nute koh an awlsam nan.
  • Nuin hna thawk tura a chhuah rualin a fa a dah ve thei nghal dawn a.
  • Creche Worker tan naupang nu te tlawh a awlsam zawk avangin.

CRECHE HI WORKER EMAW HELPER INAH HAWN PHAL ANILO’

CRECHE CHHUNGA THIL AWM TURTE :

  • Tui thianghlim leh inthiarna tha.
  • Choka – Naupangte eitur chhumna hmun. Choka bungrua leh thuk thlengin a awm tur ani.
  • Nau bukna hmanrua.
  • Medicine kit/ First Aid kit te leh damdawi dangte.
  • Infiamna hmanrua.( Pre-School Kit)
  • Chhuar leh Almirah te
  • Dawhkan, chair, mattress, mutbu, zunhuh phah, naupuan/diaper etc

 

CRECHE HAWN HUN CHHUNG :

  • Creche hi nitin darkar 7 leh a chanve a inhawng tur ani.( Zing Dar 9- 4.30 pm thlengin).
  • Thla khatah chawlhni tihloh chu an chawl theilo a,ni 26 inhawng tura beisei anni.

 

USER CHARGES :

Sawrkar laipuiin a thlawn vekin Creche naupangte eitur leh a thawktute hlawh a rawn tum sak tawh a,mahse a beitham deuh avangin hetiang hian a chhawrtu nu leh pa te atangin vehbur khawn a phal sak ani :

  • BPL chhungkuaa naupang 1 zelah – Rs 20 mi pakhat tan/thla 1 ah.
  • Nu leh pa hlawh nei thla khata Rs 12000/-chin lalut – Rs 100 mi 1 /thla 1 ah.
  • Nu leh pa hlawh nei thla khata Rs 12000/- aia sang lalut – Rs 200/- mi 1/thla 1 ah.

Hetianga a chhawrtu nu leh pa te atanga donation lak hian mipuite ah neitu rilru an put theih nana tih ani.Heng pawisa khawnkhawm te hi Creche Committee te’n tangkai taka hman anih theih nan engkim felfai tak leh committee hriatpui nain lang tlang taka hman tur ani.