Kum 2017 – 2018 atana Budget ruahman Finance Minister-in a pharh pahin ‘ Mahila Shakti Kendra’ (MSK) din a nih tur thu a puang a, MSK-in a tum ber chu zokhua lama hmeichhiate ei leh bar an zawnna kawnga thiamna pekte, eizawnna ngelnghet an neih theihna tura tanpuite, tunlai thiamna leh a kaihhnawih hrang hrangte an thiam theihna tura zirtir leh an taksa hriselna piah lama ei leh in tur hrisel leh tha an hmuh theihna tur kawng lo ngaihtuah sak a ni. MSK hi Pradhan Mantri Mahila Shashaktikaran Yojana (PMMSY) Umbrella Scheme hnuaiah kum 2017 – 2018 atanga 2019 – 2020 chhunga din tura ruahman a ni a, he scheme hian zokhua lama hmeichhiate’n an dikna chanvo an hriat a, an hmuh theihna tura sawrkar an dawr theih nan leh an hriatna te tihpun hi a tum ber a ni. Student Volunteers te’n khawtlang that nan leh mipa leh hmeichhiate hamthatna in ang an neih theihna tur atana an thawh dawn avangin khawtlang tana danglamna thlentu leh ram tana thawktu an ni, tihna a ni dawn a ni.
Tunah hian Mizoram-ah District thar 3 tihloh District 8 ah Mahila Shakti Kendra (MSK) hi kalpui mek niin hi Deputy Commissioner thuneihna hnuaiah, DC pisa tinah District Level Centre for Women (DLCW) tih hming pu-in Women Welfare Officer (WWO) pakhat leh District Coordinator pahnih (2) ten an vil vek ani.
A thil tumte:
MSK hi National, State, District leh Block Level atangte a thawh tura ruahman a ni a, National Level chuan ram pum huapa hriatna, thiamna leh theihna te tih puitlin a, tih changtlun hi a tum ber a ni. State Level ah chuan State Resource Centre for Women (SRCW) te’n hma an la ang a, anni hi Hmeichhiate dinhmun leh a kaihhnawih chung changah State Sawrkar thurawn lo pe a, hma lo la tura ruahman an ni a, District leh Block chuan MSK thil tum tih hlawhtlinna tur leh hmeichhiate dinhmun chawikanna tur hmanrua chi hrang hrangte - Beti Bachao Beti Padhao (BBBP) district 640-a a tahtawl-a din chhoh turte, Hmeichhe tana duan dang – District level-a Women Helpline, One Stop Centre, Swadhar Greh etc. tiamin, an lo hlawhtlin theih nana theih tawp chhuah hi an tum ber tur a ni. MSK Block Level hi Student Volunteers te hmangin district hnufual zual thlanchhuah 115 ah kalpui tum a ni a, anni hian Sawrkar Schemes leh Programmes hrang hrang mipuite, a bik takin hmeichhiate hnena hrilh hriat leh hmeichhiate tana tangkai Dan leh Hrai zirtir leh zir chianna kawngah te dinhmun pawimawh tak an chelh a ni.
