Mahila Police Volunteers (MPV) hi Nirbhaya Hund hnuaia Scheme pakhat niin kum 2017-2018 khan hman tan theih tura ruahman a ni a, amaherawhchu Mizoram-ah chuan 2018-2019 atangin hman tan a ni. Tun dinhmun ah chuan Aizawl leh Lunglei District ah chauh MPV hi din a la ni a, district dangah pawh din chhoh zel tum a ni. Aizawl District bikah hian Volunteers 199 awmin Lunglei District ah hian 100 an awm bawk a ni. Lunglei ah hian Training pek vek tawh an ni a, Aizawlah erawh chuan a hmun hma-in a zawh loh avangin Batch 3 ah then an ni a, Batch 1 chauhin training hi an la nei thei rih a ni
MPV thiltum tlangpuite :
- Hmeichhiate hamthatna tura Schemes & Programmes hrang hrang awm sate mipuite hnena hriattir.
- Veng/ Khaw chhunga hmeichhiate laka hleilenna a thlen a, a rang thei ang bera Police hriattir.
- Hmeichhiate him nana enthlatu/ralvengtu pakhat an ni tur a ni a, rinhlehawm kai deuhte lo thlithlaiin, pem lut/ zin lut zinga rinhlehawmte lo chhinchhiahin, hmeichhia leh naupang bo/ ruk bo thu hla te leh school leh college zirlai ten ruihhlo kaihhnawih a an tluk luh chungchangah leh kawhmawh bawl chungchangte uluk takin an endikin an thlithlai tur a ni. A tul angin Police an pui emaw, report an thehlut ang.
MPV te hian Police lam leh Dan hremi-te nena tangkawpin hna nasa takin an thawk a, an awmna veng mai bakah an bul hnai veng/khua-a hmeichhiate tan venghimtu niin, hmeichhe chunga hleilenna leh tihduhdahna thleng thin lakah te tanpuitu hnai vai leh tha tak an ni.
