INTEGRATED CHILD PROTECTION SERVICES (ICPS)

STATE GUIDELINES/RULES: 

Central Ministry in Guideline/Rules a siam zulzuiin Mizoram a hman tur bik a hnuai a mi te hi siam a ni: 

RESEARCH: 

CPS guidelines in a phut angin naupang kaihhnawih subject/area hrang hrangah zirchianna neih thin a ni a, a hnuai a tarlan te hi 2019-20 ah zir tan niin, zirchianna (Research) hi kalpui mek a ni: 

Mental Health of Sexually Abused Children; 

Children affected and infected with HIV/AIDS; 

Evaluation of functioning of statutory bodies under ICPS including DCPUs and CCIs. 

VIDEO CONFERENCING FACILITY: 

Supreme Court-in Observation Home tin-ah Video Conferencing Facility dah tur thuchhuah a siam bawhzuiin, MSCPS chuan VydeoDesktop budget in a phak ang tawk a lei a. MSCPS Office, Laipuitlang-ah dah tawh niin, district tina Observation Home-ah dah tur pawh sem chhuah mek niin, NIC-ah internet connect buaipui mek a ni bawk.

OBSERVATION HOME PANGA (5) SAKNA TUR HMU: 

MSCPS-in Ministry of Women & Child Development hnenah district panga (Mamit, Champhai, Serchhip, Lawngtlai, Siaha) a Observation Home sakna tur financial proposal a siam chu Ministry in a phalsak a ni. 

SPECIAL COURT (POCSO) AH CHILD FRIENDLY CORNER SIAM: 

The Protection of Children from Sexual Offences Act 2012 (POCSO Act) in a phut angin naupang hursualna lam rawngkaia harsatna tawkte court-a an chungthu ngaihtuah a ngaih changin, pawikhawihtu nen an inhmuh lehin naupang-ah nasa takin harsatna a thlen nawn thei tih hriain court building huamchhungah naupang tana boruak muanawm leh nelawm siam hi dan in a phut tlat a. Chumi dungzui chuan Mizoram-a Special Court hmun-ah te Child Friendly Corner hmun li (4) ah din tawh niin, heng zinga pahnih (2 - Mamit & Lunglei) te hi 2019-20 chhunga din a ni. An chungthu ngaihtuah tura Court-a an kal hunah he Child Friendly Corner-ah hian naupang pawngsual/khuaikhem/hursualna rawngkai case nei te leh anmahni hruaitute awm/chawlh lailawk tir thin an ni. Tin, court chhunga an chungthu ngaihtuah a nih laia naupang leh pawikhawihna thlentu te hmaichhana an inhmuh loh nan “one way mirror box” tawlh sawn thei chu ruahman niin, hei hi hmun hnih (2 - Siaha & Kolasib) ah dah tawh a ni a. Child Friendly Corner leh one way mirror box hi a la awm lohna hmunah dah zel tum a ni. 

POLICE STATION A CHILD FRIENDLY CORNER SIAM:  

Naupang hleilenna tuartu (Children in Need of Care & Protection) emaw, naupang pawikhawih (Children in Conflict with Law) an awma, naupang te ngaihngam leh thlamuang taka thu zawhfiahna hmun “CHILD FRIENDLY CORNER” hi Mizoram State Child Protection Society leh Police (Home Department) te tangkawpin tun dinhmunah hian Mizoram pumah Police Station/Outpost sawmpakua (19) ah din tawh niin, heng zinga sawmpahnih (12) te hi 2019-20 chhunga din a ni. Police Station/Outpost dangah pawh din chhoh zel tum a ni. 

HAPPY/SAD BOX:

Naupang ten an hlimna/lungngaihna/rilru an sawichhuah mai ngam loh te ziaka an thehluh theih nan “Happy/Sad Box” hi Mizoram chhunga school leh Home hrang hrangah te dah a ni a. He bawm hi DCPU in thlatin hawngin, case bawhzui ngai awmang te a tul anga bawhzui vat thin a ni.

CHILD CARE INSTITUTIONS (CCI)-ah CCTV VUAH: 

JJ Act in a phut angin naupang Home a awm te an him nan Home zawng zawngah CCTV vuah a ni. 

HAUSLA 2019: 

Rampum huapa Home naupang te tana Ministry of Women & Child Development-in kum tina infiamna leh intihhlimna hrang hrang hmanga inelna a buatsaih thin “HAUSLA 2019”, December 2019-ah New Delhi a a buatsaihah Mizoram-a aiawhin naupang sawmli (40) thlanchhuah te chu CPS thawktu mi panga (5) ten an telpui a, lawman an la rawn la haw ve kum tin a ni. Inelna chi hrang hrangah telin, kum 2019-ah heng a hnuaia lawman te hi Mizoram Home aiawha kan naupang kal ten an dawng a ni: 

Avhivyakti (free expression)       -              1^st Prize 

                (2018 ah pawh he lawman hi Mizoram in kan dawng tawh a ni) 

Girls Football Team                         -              2^nd prize                

High Jump (Girls - under 16)        -              Bronze Medal 

Long Jump (Boys - under 14)       -              Bronze Medal 

NAUTE BAWM (CRADLE POINT): 

Naute Bawm hian a tum ber chu naute rokhawlhna/harsatna engemaw avanga enkawl thei lo ten himdam taka an hnutchhiah theihna hmun tur a ni a. He naute bawm hi District pariat (8) atanga thlan bik Child Care Institution (CCI) leh Specialised Adoption Agency (SAA) ah te dah a ni. Naute bawm hi midang hriatpuina tel lova naute him zawka hnutchhiah duh te tan hman theih tura buatsaih a ni a. Naute bawma naute hnutchhiah te hi Dan hnuaiah adoption-a pek turin buatsaih leh thin an ni. District Hospital ah Cradle Point hi dah a nih theih nan hma lak mek a ni. 

CHILDREN’S DAY/WEEK: 

Ministry in State tin te a rawn angin November 11 – 20 inkarah naupang pualin intihhlimna leh hmasawnna tur programme hrang hrang district tinah huaihawt a ni a. Park/field/commumity hall remchang te hawh niin, naupang intihhlimna leh intihsikna hrang hrang neih a ni. Tin, naupang, nakin lawka puitling mai tur te tan Youth Empower Summit te buatsaih niin, he hunah hian thiamna lama mi bik te leh talent nei tha tak tak ten naupang dinchhuah theihna tur topic hrang hrang hmangin zirtirna/sawihona neih a ni. 

NAUPANG CHAWLHBUK (CHILDREN’S LOUNGE): 

10^th May, 2019 atang khan DCPU Mamit leh Village Level Child Protection Committee tangkawp chuan zirtawpni tlai dar 3:30 pm apiangin Bazar Veng VC Hall-ah Bazar Veng chhunga naupangte tan intihhlimna hun leh thu tha inhrilhna hun an nei thin a. Hetah hian DCPU staff pahnih (2) zel an duty thin a, naupangte chu games te khelhpuiin an talent phawrhchhuah a nih theih nan anmahni duhthu ngeiin hun hmanpui thin an ni. Hun hmang duh tur chu volunteer tura tih an ni a, hmeichhe naupangte chuan group siamin group dance te an entir thin. Child rights leh duties inzirtirna hun neihpui thin an ni bawk a, DCPU chuan naupangte'n an zawm theih tur thuintiamna (pledge) an zirtir thin bawk a. Naupangte chu nu leh pa thu awih tur leh aia upate zah tur te, taima taka lehkha zir tur leh faina ngaina tur tein an intiamtir thin a ni. Video zirtir nei tha tak tak leh mizo thawnthu inhrilhna hun atan te hman thin a ni bawk. 

GIRL CHILD SELF DEFENCE: 

MSCPS leh Mizoram Amateur Taekwondo tangkawp chuan POCSO Act zulzuiin hmeichhe naupangin pawngsual/khuaikhem an tawh palh thulhah anmahni an lo inven theihna turin school hrang hrangah kalin self-defence class pek thin an ni .  June - December 2019 chhung khan school 123-ah Taekwondo-a thiamna bik nei zirtirtu 46 in self defence class hi an neihpui thin a ni. 

IEC DUAN: 

Naupang chungchang dan leh hrai leh a kaihhnawih hriattur pawimawh, heng a hnuaia mi te hi Mizo tawnga buatsaih/lehlin a ni:

Ready Reckoner on the JJ Act 2015 and JJ Model Rules 2016

The Mizoram JJ Rules, 2019 An easy guide to POCSO Act and Rules 2012

User Handbook on POCSO Act, 2012

SOP on Escape/Runaway/Sexual Abuse/Death of Children in Child care Institutions

The Criminal Law (Amendment ) Ordinance, 2018

Important policies, Schemes and laws relating to Children: National & International

Mizoram Juvenile Justice (Care and Protection of Children) Rules, 2019

Naupang venhimna kawnga inzirtirna chungchang restaurant hrang hrang menu-ah tarlan a ni (Mamit & Lawngtlai). 

DCPU Lawngtlai district chuan Child Rights leh a kaihhnawih thu hrang hrang te siamin Lawngtlai Deputy Commissioner hnenah submit a ni a, an ni hian Lawngtlai District huamchhunga school hrang hrangah an lo sem darh a ni. 

TRAINING, AWARENESS, CAPACITY BUILDING  SENSITIZATION PROGRAMMES: 

ACTIVITIES DANG: 

WORLD ENVIRONMENT DAY LEH GREEN MIZORAM DAY: 

Aizawl DCPU chuan Aizawl district huamchhunga naupang Home hrang hrang te nen World Environment Day denchhenin 7^th June 2019 khan Home leh a vel a mipui vantlang hmunte tihfai hnatlang an nei a, hetiang bawk hian Mamit DCPU pawhin CCI te nen he hun hi hmangin, thing phun hnatlang an nei bawk. Tin, Mamit DC huaihawtna hnuaiah “Green Mizoram Day” denchhenin kawngpui (National Highway – 108) sirah te thing phun a ni. 

WORLD DAY FOR THE PREVENTION OF CHILD ABUSE (19^th November) : 

Naupang chung hleilenna thleng thin duh loh lantir nan leh a thleng zel tur ven nan November ni 19, 2019-ah programme hrang hrang district tinah buatsaih  a ni a. Traffic Police te nen tangkawpin khawchhunga lirthei veivak a tar tur flag (naupang venhimna lam hawi thuziak) sem a ni a, hmun thenkhatah poster leh banner te kenga kawng zawh a ni bawk. State level “One Day Conference on Child Protection” chu Aijal Club-ah hman niin, he hunah hian Gauhati High Court, MSCPCR, MSLSA, DLSA, Police, CWC, JJB, CCI (Aizawl District) leh MSCPS Staff te an tel a ni. 

SWACHHTA-HI-SEVA: 

DCPO kaihruaina hnuaiah Mizoram-a naupang enkawlna Home-a thawktute leh naupang awm ten Swachhta-Hi-Seva pualin Home leh an chhehvel tihfaiin an hnatlang a, district thenkhatah chuan fai inelna leh thilhlui/chhia hmang tangkaiin, inelna te buatsaih a ni. Aizawl district bik-ah closing function hi 3^rd December 2019-ah hman niin, Department changtu Director, Pi Vanlalpianpuii hovin Home ti tha te hnenah lawm man pek a ni.