India ram chhiarpui kum 2011-a neihah khan Child Sex Ratio (CSR), kum 0 – 6 upa te-ah nasa takin a tlahniam a, chu chu naupiang mipa 1000 zelah hmeichhia 918 an ni tihna ani. He in thlauhna nasa tak mai hi Sawrkar laipui chuan a ngai pawimawh hle mai a. He thilin a entir chu hmeichhe chawikanna leh hmasawnna tur kawng daltu – naute, nu pumchhunga a awm lai pawhna hmeichhia anih avanga hnawlna, an piang ve anih pawha an pian hnua hmeichhe fa an nih avanga an chanvo tur rahbeh, hleilen leh tihduhdah an nih fo nachhante hi a hril tel vek a ni. Hmeichhe naupang an nih avanga enhranna mai piahlamah nu pum chhunga nau mipa nge hmeichhia an nih en lawk theihna hmanrua man tlawm tak leh awlsam taka hman mai tur a lo awm zel thinte pawh hi he CSR tlakhniam chhan chu a ni thei awm e.
Hengte avang hian naupiang leh naupang mipa leh hmeichhia inthlau nasa ti ziaawm tur hian hmalakna hmanhmawhthlak tak chu nei turin ruahmanna siam nghal a ni a. Chutichuan Dt. 22nd January 2015-ah kan Prime Minister zahawmtak chuan CSR tlakhniam avanga hma lakna turin Beti Bachao Beti Padhao (BBBP) chu a phochhuak a. Keini Mizoramah chuan CSR hniamna ber District – Siaha District ah bul tan phawt niin, tunah hian Serchhip District-ah nen hma lak mek ani.
A thil tumte:
- Goal: BBBP Scheme chuan hmeichhe naupangte chawikan leh lehkha tha taka an zir theihna tura hma lakpui.
- Hmeichhe fa an pai avanga nau tihtlak awm thin tih bo.
- Hmeichhe naupang humhim leh boruak muanawm taka an thanlen zel theihna tura hmalak.
- Hmeichhe naupangte lehkha zirtir leh chumi kawnga nasa zawk a an tel ve theihna tur a hmalak.
National Girl Child Day Celebration
